من هم الأنونيموس وما أهدافهم

في الفترة الأخيرة بدأنا نسمع عن عودة مجموعة الأنونيموس ومنا اللّي عارف إن دي مجموعة خاصة بالأختراق ومحترفين فيه، بس ميعرفش عملوا إيه قبل كده ولا إيه اهدافهم خلينا بقي نعرف مين هما منظمة الأنونيموس في المقالة دي.

مين هما مجموعة الأنونيموس:-

في الحقيقة المجموعة دي مش من دولة معينه، من الحاجات المعروفة عن مجموعة الأنونيموس أنهم مش من نفس الدولة وبيتواصلوا اونلاين، وطبعًا بيستخدموا وسائل متعدده لتشفير بيانتهم.

بداية ظهورهم :-

في موقع مشهور جدًا اسمه 4 chan معمول من ٢٠٠٣ والغرض منه هو إن الناس تدخل ترفع عليه صور والزوّار يتناقشوا في مُحتواها في كل المجالات تقريبًا من سياسة لرياضة لأنيمي وهكذا، وأحلى حاجة على الموقع دا إنّ كل اللّي عليه مجهولي الهوية، يعني محدش بيعمل أكونت باسمه وبياناته والجو دا، لأ، الناس بتدخل بدون أي بيانات شخصية ترفع الصور ويتناقشوا ويتّفقوا ويتخانقوا ويمشوا ومحدش يعرف مين اللّي عمل إيه .. ومن هنا كانت بداية    Anonymous أو المجهولين.

هدفهم بشكل عام هو فضح سياسات الحكومات و تشجيع الثوار، وتحقيق العدل بشكل عام.

الأعضاء واخدين قناع "جاي فوكس" كرمز ليهم و اللّي فالأصل صُمم لفيلم V For Vendetta سنة 2005

كده عرفنا مين هما الأنونيموس وهدفهم نيجي بقي الهجمات اللّي نظمّوها قبل كده.

هجمات الأنونيموس:-

 أدعت مجموعة الأنونيموس مسؤوليتها عن قفل بعض المواقع الحكومية في بريطانيا 2012 في احتجاجات ضد تسلم الحكومة، وسابت رسالة علي الموقع مكتوب فيها " من أجل اقتراحاتكم المراقبة الصارمة".

نظّم نشطاء مجموعة الأنونيموس لمتظاهري حركة الاستيلاء على وول ستريت، أعضاء الأنونيموس نزلوا لمنتزه زوكوتي في نيويورك، ونظموها جزئيًا بعد ما كان معروف أن بعض المتظاهرين قد يتعرضوا للعنف. استخدم الأنونيموس شبكات التواصل الاجتماعي زي تويتر تريندز لمتابعة المتظاهرين لتجنب الفوضى، والمحافظة على سلميّة الاحتجاجات. 

دي بعض الأمثله البسيطه، اللّي تعرفنا قد إيه هما مؤثرين.

عودة الأنونيموس!

بعد مقتل جورج فلويد في ولاية منيابولس، بسبب العنصرية وعدم حرص الشرطة علي المواطنين وسلامتهم!

قررت مجموعة الأنونيموس إنها هترجع علشان تساند المظاهرات في الولايات الأمريكيه، وتجنب استخدام العنف معاهم، كمان هددت الحكومة الأمريكية إنها لو استخدمت العنف مع المُتظاهرين، إنها هتكشف عن جرائم كتير زي قتل جورج فلويد.

مش بس كده مجموعة الأنونيموس وجهت تهديد صريح لترامب، رئيس الولايات المتحده الأمريكيه، وذكرت أن ترامب متورط في عمليات إتجار بالبشر مع رجل الأعمال جيفري إبستين ده غير إن فيه أسماء كتير من رجال الأعمال و أصحاب الشركات المعروفه أدانتهم المجموعه بتورطهم أيضًا.

 أثبتت كمان إن ترامب كان متورط مع جيفري إبستين، في الجرايم الجنسية بتاعته والتعدّي علي الفتيات القاصرات، بل واولاد كمان وإنه كان بيسكت أهاليهم بمالغ هائلة.

ده غير إنهم بيتهموا توني بلير رئيس وزراء إنجلترا السابق و العائلة المالكة بقتل الأميره ديانا، وإنه مكنش قضاء وقدر بل كان بفعل فاعل وإنهم هما اللي وراه.

كل دي مواضيع فتحتها مجموعه الأنونيموس فالوقت الحالي ومنتظرين نشوف إيه هيحصل!